اطلاق المرحلة الاولى من بوابة الطالب بجامعة أسيوط

 

رفيع السعيد يعلق على الاحداث التي جرت في الايام الاخيرة بخصوص الامتحانات قائلاً

لو مش حابب التعامل مع الطلاب يبقا متقررش تكون فى مهنة التدريس

 الطالب جى عشان يسمع منك و يعرف منك ال هو مش عارفه ، متحسسوش انه غبى و انه ازاى يعنى مش عارف ده ، عشان هو لو كان عارف ده مكنش بقا هو الطالب

مفيش طالب شاطر و فاهم فى كل حاجه ، زى ما انت ك دكتور شاطر فى مجالك ، الطالب كمان شاطر فى حاجة ، مش شرط تماما تكون هى هى نفس الحاجة

الطالب لو استفاد منك بمعلومة هيفضل فكرهالك و ممكن تكون معلومة بسيطة بس تفرق معاه فى حياته او تفكيره بعيدا حتى عن الدراسة ، ف متبخلش عليهم  باللي انت عارفه

مش لازم تجيب امتحان صعب - تعجيزي - في حال انك ممكن تجيب امتحان في مستوى الطالب فعلا وفي كل الاحوال هي مسألة نسبة وتناسب في الآخر يعني في الامتحان المتوسط الطالب لو جاب 95% مثلا في الامتحان الصعب ممكن يجيب 70% او اقل وده ينطبق علي كل الطلاب ف بالتالي الترتيب مش هيختلف ولا حاجة لكن الامتحان الصعب مش هيعمل حاجة غير هيأثر علي الطالب تأثير سلبي ويكره الطالب في المادة